Mektubat

The Twentieth Letter

Source: risaleinur multilingual dataset, risale.site source · Risale-Nur multilingual research corpus
Risale reading plan
§1

وَ لَهُ ال۟حَم۟دُ Яъни, ҳамд ва сано, мадҳ ва миннатдорчилик Унга махсус, Унга лойиқдир. Демак, неъматлар Уникидир ва Унинг хазинасидан чиқади. Хазина эса доимий. Демак, бу калима ҳушхабар бериб, “Эй инсон! Неъматнинг завол топишидан азоб чекма. Чунки раҳмат хазинаси туганмас. Лаззатнинг завол топишини ўйлаб, азобдан фарёд қилма. Чунки у неъмат меваси бир туганмас раҳматнинг самарасидир. Дарахти боқий бўлса, меваси кетса ҳам, ўрнига келадигани бор. Неъматнинг лаззати ичида лаззатдан юз даража кўпроқ Аллоҳнинг лаззатли раҳматининг бир илтифоти бор. Буни ҳамд билан ўйлаб, лаззатни бирдан юз даража қила оласан. Бир Подшоҳи зишон сенга ҳадя қилган бир олма лаззати ичида юз, балки минг олманинг лаззатидан ҳам устун шоҳона бир илтифот лаззатини ҳис эттиради ва эҳсон қилади. Бу каби, калимаси билан, яъни ҳамд ва шукр билан, яъни неъматдан инъомни ҳис қилиш орқали, яъни Мунъимни таниш билан ва инъомини ўйлаш орқали, яъни Унинг раҳматининг илтифотини ва шафқатининг юзланганини ва инъомининг бардавомлигини ўйласанг сенга неъматдан минг даража ширинроқ маънавий лаззат эшигини очади”, дейди.

Private reading note

This note stays on this device and is never uploaded to a server.

Up to 1,200 characters